Село Калинів в меджілабірьскім окресі є першым ослободженым селом в бывшім Ческословенску. І з той нагоды ся каждорочні в селі одбывають великы споминковы славності цільом котрых є споминати і ниґда незабыти на войновы часу, котры ся одбыли перед 74 роками нелем в їх селі. Інакше то небыло і того року. В суботу ся одбыв дальшый рочник споминковых славности. Окрім традичного офіціалного проґраму ся в селі Калинів одбыв і додаточный проґрам повязаный з представліньом воєньской технікы. Маріян Дробняк , посланець сельского заступітельства села Калинів про нашы справы радія Русин Ф.М. повів, же ішло о: „статічны і динамічны приклады днешньой воєньской технікы Міністерства внутра Словацькой републикы. В припаді воздушной технікы то была гелікоптера Блекгоп а з поземных танк Т-е 72, бойове авто пехоты самогыбна гуфніця Зузана, одміновач Божена а много дальшой іншой воєньской технікы“.
(Кімак)