Вчерайше выступліня мадярьского премьєра Віктора Орбана в Европскім парламенті в Штразбурґу, котре предбігує днешньому голосованю о можній активації статі 7 Лісабонского договору против Мадярьску, выкликало велике чісло одзывів меджі европосланцямі вєдно словацькых з фракції Европской людовой партії, де належыть Орбан і його партія Фідес. Пал Чакі, котрый мать зо вшыткых словацькых посланців Европского парламенту найближше к Орбанові, в інтервію про пресову аґетуру ТАSR повів, же буде голосовати против справі голандской послакыні Юдіт Сарґентінійовій. Як далі повів, „я чую тоту сітуацію а головно начасованя даной дискусії, як часть політичного боя. Неє то ефектівный діалоґ, є то уж часть політичного дуелу і каждому є ясне, же є то передвольбова кампанія до Европского парламенту.“
(TASR)