Народна дялнічна сполочность планує оправы на дялніцях і скоростных драгах і повязаных суть з нима доправны обмеджіня. Од 17. авґуста до 24. августа Народна дялнічна сполочность часточнї обмеджіть доправу на скоростній дразї R1 в части Pata – Mladý Háj в правім прузї в смерї до Нїтры. Од пярніцї до недїлї 19. авґуста буде сполочность оправлёвати драгу і на дялнічнім правім мостї меджі крижоватками Ступава – Ламач, котрый веде через Маріяньскый потік. Зачаток оправы части дялніцї D1 меджі братїславскым Приставным мостом і Мостом Лафранконі ся пересунув на суботнї раннї годины. Доправа буде пересмерована на Айнштайнову уліцю.
(TASR)