Одбор превенції кріміналіты Канцеларії міністра внутрїшнїх дїл СР, контактный пункт про жертвы в Пряшові зорґанізовав про ромскых сеніорів на Фестіваловій уліцї у Свіднику превентівну бісїду з назвов Як ся не дати окламати авантурістам. Превентівныма актівітами хотять передходити тому, жебы найогроженїшы ґрупы людей были жертвами злочіну. О подїї бісїдує Інґрід Долежалова з одбору превенції кріміналіты: „Думам сі же то буде про них цалком проспішне. Темов бісїды є Як ся не дати окламати авантурістам. Векшынов на тых бісїдах нам люде побісїдують їх зажыткы з авантурістами ці по телефонї, особнї або іншы скушености, з котрыма приходять до контакту. Вірю, же такыма превентівныма актівітами будеме передходити тому, жебы ся не стали жертвами злочіну, кедьже наш контактный пункт є заміряный на поміч жертвам злочіну. Можуть ся на нас обернути люде, котры ся стали або собі думають, же ся стали жертвов злочіну. Найдуть нас в клієнтьскім центрї на Намістю міру 3 в будові Окресного уряду в Пряшові“. Проблем у ромскых сеніорів є в тім, же мають малый приєм а легко налетять на різны пожычкы або накупы на сплаткы про іншых.
(TASR)