Памятник вбитого новинаря Яна Куцяка і його приятелькы Мартіны Кушніровой славностні одкрыли в парку на Южній трєді в Кошыцях. На його одкрыті брало участь вецей як сто людей. Автором памятника є кошыцькый умелець Петер Калмус. За його словами не є важне, хто є автором памятника. „Важна є траґедія, котра ся одбыла перед півроком. Спомянутя на невинны жертвы бруталной поправы є в нас фурт притомна. Думам сі, же є то першый, але вірю же і непослідній памятник на території Словакії,“ повів з тым, же бы быв барз рад, кебы на Словакії такы памятникы немусіли взникати. Як далі повів, “на памятнику суть лем мена, портретів Яна і Мартіны і QR код, на основі котрых ся достанете к жывотописным даням обох бруталні вбитых, але і к даням, кто быв в часі атаку премьєром, міністром внутра, поліцайным презідентом і так далей“.

(TASR)