Mісто Бардейов, котре є записане до списку UNESCO, верне ся до подобы сперед стовкы років. Коло містьскых мурів хотять знова выбудовати вядяны яркы, жебы вызерали подобно, як то было в 15-ім столітю. Но тоты не будуть служыти нa oхраніня міста, але як атракція про домашніх і турістів. Oбновліня водяных ярків, покы будуть фінанції, є плановане на северовыходнім боці містьскых мурів. З їх будованьом хотять Бардейовчане зачати на будучій рік. (Nový čas, А. Кузмякова)