Ґенералный прокуратор Совацькой републікы Яромір Чіжнар хоче пожадати в кавзі уносу вєтнамского бізнісмена о позбавліня мовчанливости 44 людей. Інформовав о тім на понедільковій прес-конференції. Чіжнар інформовав, же в припаді проходять процесы, выслухованя і попросив о терпезливость. Подля ґенералного прокуратора были Німецьку даны найвысшы условії про розслідіжня припаду, но сполочный тім на розсліджіня Німецько не хоче. „Німецька сторона не має інтерес вытворити сполочный розсліджуючій тім ани теперь, ани в близкій будучности. Они розсліджують карный чін, котрый быв зробленый на їх теріторії і частьов нашой дотеперішньой співпраці была лем їх намага змаповати рушаня унесеного Вєтнамця в Шенґеньскім просторі,“ інформовав Яромір Чіжнар. Німецькый ґенералный прокуратор, із котрым ся Чіжнар стрітив, мав повісти, же не знать о інформації, котра говорить о замішаню ся Словакії до уносу. Існованя такой інформації подля Чіжнара німецькый колеґа не дементовав, но не мать о ній знаня. Єдночасно ся договорили на стрічі в рамках орґанізації Eurojust, де собі будуть черяти інформації. До кінця тыждня бы мав быти знамый термін і участници стрічі.

(Медвідь, TASR)