Cкоро 8000 мігрантів ся од зачатку того року доброволні вернуло з Ґреції до своїх домовскых країн. Інформували о тім в Атенах представителі ґрецькой поліції. „Іде о людей, котры собі усвідомлюють, же немають ниякы надії здобыти азіл в Европскій унії, і хочуть ся добровольні і безпечні вернути назад“, повів про ДПА неназваный высокопоставленый член поліції. Тота лем в часі юла зазначіла навернутя 841 такых особ, котры суть родом передовшыткым з Албанії, Іраку і Пакістану. Навертаня мігрантів з Греції ся одбывать в тісній співроботі с Меджінароднов організаціёв про міграцію. Репатріёваны особы перед наступом до ероплану навецей доставають 500 – 1500 евр як підпору на зачатя нового жывота в країні свого роду.
(TASR)