Міністерка внутрішніх справ Деніса Сакова стратила довіру Презідента Словацькой републікы Андря Кіскы. Презідент то повів по понедільковій стрічі з премєром Петром Пеллеґрінім. „Міністерка внутрішніх справ, пані Сакова, стратила мою довіру як презідента Словацькой републікы. Міністерка ся досправды справує як кібы была правов руков бывшого міністра внутрішніх справ. Актуалны становиска резорту внутрішніх справ під їй веджіньом ку підозріням із знеужытя властей ся затля вказали як плано скрывана намага заметати сліды і хоронити бывше веджіня,“ повів презідент. Кіска і при понедільковій стрічі з премєром повів, же хоче вернути довіру людей в державу, причім Міністерство внутрішніх справ є ключове. Міністерку Сакову зачінать брати презідент як барьєру ку поясніню того, што стало ся в припаді одвлечіня вєтнамского подникателя із Німецька до Вєтнаму.
(Медвідь, TASR)
Фото: TASR