Посолство Росії в Лондонї у четверь зась пожадало брітьскы уряды на транспарентне вышетрїня інціденту в анґліцькім містї Салісбурі, при котрім были бывшый аґент російской воєньской розвєдкы Серґей Скріпаль з дївков Юліёв выставлены учінку отровленой латкы. Посолство тоже потвердило, же Москва є приправлена сполупрацовати коло вышетрёваня. Російскый діпломат припомянув, же тото тверджіня вышетрёвателїв выходить з аналізы зазнамів беспечностных камер і скуманя списку людей котры в тім часї пришли до Брітані. Тоты тведжіня оцїнив уже і таёмник брітьского міністерства внутрїшнїх справ, де їх зарадив до катеґорії шпекулатівных інформацій.
(TASR)