Словацькый цікліста Петро Саґан як быто ознамив розійджіня із свойов женов Катарінов, з котров мають сполочного сына Марлона. Непідверджена інформація ся вказала вчера вечур на соціалній сіті, причім статус наслідні облетів словацькый медіалный простор. „По довшій і подрібній дебаті сьме з Катков прийшы к заключіню, жебы было омного ліпше, як бы сьме як пар скінчили. Чуємє, же бы сьме мали продовжувати в нашых жывотах як добры приятелі і обоє сьме согласны, же є то добрый вердікт“.