На основі дакілько скарг бывшых заместнанцїв в середу до заряджіня про сеніорів в центрї Братїславы зробила поліція разію а заістила доказовый матеріал. Наслїдно вышетрователь обвинив зо злочіну пошкоджіня здоровя дві особы, котрым в припадї доказаня вины грозить трест позбавлїня слободы на 3 аж 8 років. Во выядрїню поліції є, же „в заряджіню про сеніорів мали індіковати і подавати різны лїкы без одборной способилости. Могло так прийти к безпосереднёму огрожіню здоровя ошетрёваных, їх передавкованю, піддавкованю, припаднї аж к смерти‟. Бывшы заместнанцї ся скаржили, же страву кліенты не мали правиделну а то в залежности од того кілько мало веджіня грошей. Ани заместанцї не діставали выплаты на час. Сеніорів, котры мусїли в даній сітуації із заряджіня одыйти, мусїли забрати родины і глядати наградне заряджіня.
(Nový Čas, Цітрякова)