Німецькый міністер внутра Горст Зеегофер мать в плані подати демісію. Інформувала о тім агентура ДПА, котра ся одкликала на джерела Християнскосоціалной унії. Причинов демісії є Зеегоферовый конфлікт зо сполковов канцеларков Ангелов Меркеловов у вопросі іміґрачной політикы і їх розділного постоя к масовому пристяговалцьтву. Покы Зеегофер ся снажыть просадити поверненя мігрантів з німецькых границь до того штату ЕУ, де были зареґістрованы, Меркелова настоїть на тім, абы ся проблем рішыв на цілоевропскій уровні. Три тыждні тырваючій спор меджі Меркеловов і Зеегофером выкликавать вопросы, ці го сполкова влада пережыє. Покы неє ясне, якы наслідкы може мати про сполковый кабінет Зеегоферова резіґнанція.
(TASR)