Заведжіня ціл на довоз авт і авточасті до УСА з Европской унії бы мало неґатівный вплив на обход і пошкодило бы скоро вшыткы членскы штаты унії. Выпливать то зо справы Европской комісії. Цла у вышкі 25 % бы скоро о половину знижыли довоз авт і авточасті до УСА, пише ся то в справі, котру мать к диспозиції аґентура Блумберґ. „Заведжіня ціл з боку УСА бы ся стрітло с еквівалентныма покутами, котры бы увалили доткнуты обходны партнеры,“ пише ся далі в справі. Америцькый презідент Доналд Трамп на Твітері увів, же ЕУ довгочасово аплікує на УСА і америцькы фірмы цла і дальшы обходны барєры. „Як ся тоты цла і барєры незрушать і незбуряють, увалиме 20% цло на вшыткы їх авта, котры приходять до УСА,“ написав Трамп в на Твітері. Причім додав “Вырабляйте їх ту“.
(TASR)