Словацька републіка далше не є согласна із обовязковым перероздільованьом міґрантів і є приготовлена на іншы формы солідарности. Выголосив то у понедільок премєр Петер Пеллеґріні. „Словацька републіка не была частьов рішіня, жебы масівно міґранты до Европской унії пришли. Автономно о тім вырішыли дакотры державы. Теперь тоты державы од нас жадають, жебы мы на тім рішіню, з котрым сьме не были согласны і котрого частьов сьме не были, брали участь. Словацька републіка поможе з боку технічного, матеріалного, фінанчного, персоналного і іншого, но наша позіція є незмінна у справі обовязкового перерозділованя,“ повів премєр. Єдночасно Пеллеґріні повторив, же так ся фунґовати не дасть.
(Медвідь, TASR)