Сучасный турецькый презідент Рецеп Таїп Ердоґан ся выголосив за переможця недільняйшых презідентскых волеб в країні. Уробив так на основі неофіціалных выслідків, інформувала о тім аґентура АП. Другым ся став його головный вызыватель Мугарен Інце. Інформувала о тім аґентура Анадолу. Абы ся Ердоґан выгнув другому колу презідентскых волеб, мусить здобыти холем 50 процент голосів. Припадне друге коло презідентскых волеб в Турції є наплановане на 8. юла. За послідніма выслідками, котры мають одповідати по зрахуваню скоро 70 процентів одовзданых голосів, є зіск покы Ердоґана 55,2 процентів, што бы в припаді потверджіня значіло його зволіня в першім колі волеб. Його протикандідат здобыв 29,2 процентів голосів.
(TASR)