Літературный фонд передав у віторок дополідне на святочній стрічі в братіславскім Зічіго палаці ціны і премії за оріґіналну літературну творчость за 2017-ый рік. Журі выберала із 102 тітулів вшыткых жандрів, з них 30 в области прозы і 19 дітячіх книжок. В рамках той події передала ся і Ціна Александра Павловіча за твор в русиньскім языку, котра уділює ся раз за два рокы. Ціну здобыла книжка куртых оповідань із періоду Другой світовой войны од Людмилы Шандаловой під назвов Червеный берег. Фондом была уділена і Премія Александра Павловіча, котру здобыв Миколай Ксеняк з книжков про дітей під назвов Медвідята на прогульці. Людмила Шандалова Книжно дебутовала збірков стишків про дітей під назвовПодьте, діти, што вам повім,котра вышла у 2013-ім році. В році 2015 за свій дебут была нагороджена Премійов Александра Духновіча за русиньску літературу. Теперь оцінена книжкаЧервеный берегвышла в році 2016.
(Медвідь, TASR)

Фото: TASR