Презідент Словацькой републікы Анрей Кіска не буде залучати ся до брыдкых кампані партії Smer-SD, в понедільок то повів його говорця Роман Кырпелан по тім, што мав Кіска подля Даньового уряду дати на презідентьску кампань веце фінанцій, як было дозволено. „Справа на фінанчім выборі є даньове тайомство, котре презідент не видів. Презідент є на офіціалній навщіві Норвеґії і не буде ся залучати до брыдкых кампані політічной партії Smer. Єдночасно платить, же Міністерство фінанцій в році 2014 сконтрольовало волебну кампань вшыткых кандідатів, і сконштатовало, же нихто із них не порушыв закон,“ повів про аґентуру ТASR Кырпелан. Подля закона сума, котру могли потенціалны кандідаты дати на кампань у 2014-ім році, не мала быти высша як 260 тісяч евр. За інформаціями денника Hospodárske noviny было фірмов KTAG на Кіскову кампань даных довєдна понад 354 тісяч евр.
(TASR, Медвідь)