Представителі брітскых общіх служб варують, же як Споєне кральовство выступить з Европской унії без обходного договору, грозить му в часі пару тыжднів недостаток потравин, палива і ліків, пише ся в недільнику Sunday Times. Новины уваджають, же влада приправила про такыйто „брехіт без договору“ три можны сценары – умірненый, крутый і „армаґедон“. На основі „крутого“ сценаря уж в першый день сколабує пристав в анґлицькім Довері і коротко на то будуть без засоб супермаркеты і шпиталі, приближують новинкы Sunday Times. Брітске міністерство про выступліня з Европской унії подобны похмурны сценарї, котры опубліковав Sunday Times, одмітать і є пересвідчене, же „ани єден з них ся нестане“, позначіла аґентура АП.
(ТАSR)