Ізраільске міністерство загранічных діл в понедільок покликало собі амбасадорів Іспанії, Словенії і днесь амбасадора Белґії. Має то быти реакція на минулотыждньове схваліня резолуції о зряджіню розсліджуючой комісії, котра роскрыє засяг ізраільскых сил односно демонштрантів в палестіньскім пасмі Ґазы з десятками мертвых і стовками зраненых. За тот поступ голосовали на пятніцьовім засіданю Рады Орґанізації зъєдиненых народів у Женеві окрім іншых і представителі тых трьох держав. Ізраїль тото рішіня рады не принимать і бісідує о протиізраільскій векшыні в тім ґреміюмі. Ізраіль подля выражінь Міністерства загранічных діл поступать на граніцях з пасмом Ґазы леґално, кідьже векшыну демонштрантів там творять членове мілітантного руху Гамас, котрый в тім реґіоніу тримать власти, што признав і сам рух.
(TASR)