Новый началник Ґенралного штабу Озброєных сил СР Данєл Змеко сповнять вшыткы законны предпоклады на выкон даной функції, што підтвердив і презідент СР Андрей Кіска, котрый його до даной функції выменував. В політичній дискусії радіорелації Соботняйшы діалоґы то выголосив председа Народной рады СР а председа Словацькой народной партії Андрей Данко. Лідер Словацькой народной партії одмітнув, же бы ішло в тім припаді о його особну номінацію. Змека на основі його слов непознать. Тыж неприпустив, же найвысша функція в словацькій армаді може быти одмінов за конаня при накупох воєнской технікы про Озброєны силы СР а то з позиції функції народного директора про вызброюваня, котру Змеко дотеперь справляв на міністерстві обраны.
(TASR)