Міністерка внутрїшнїх дїл Деніса Сакова буде глядати коло мена нового поліцайного презідента згоду з председом влады Петром Пеллеґрінім, котрому передставить вецей кандідатів на тот пост. Сакова то увела почас двойднёвого выязду влады на выходї Словакії. Міністерка повіла, же мать дакілько мен, котры не зверейнить скорше, як їх представить премєрови. ,,Там, де найдеме згоду, там выбереме і выменуєме нового поліцайного презідента,, увела. Сакова потвердила і слова премєра, же наступця сучасного поліцайного презідента Тібора Ґашпара бы мав быти верейности знамый дакілько днїв перед тым, як Ґашпар 31. мая закінчіть своє пособіня на челї поліції.
(TASR)