Веце як десять тісяч людей зышло ся в понедільок вечур на Вацлавскім намістю в Празі, жебы жадати одход премєра в демісії Андрея Бабіша. Петіцію за його одход вже підписало 236 тісяч людей, інформовав портал iDnes.cz. По неуспішнім закінчіню їднань о владі меджі рухом Бабіша і чеськыма соціалныма демократами ся ку тиску на Бабіша придали люди, котры протестовали на намістях цілково у 19-ох чеськых містах. Протесты проходили день перед тым, як має презідент Мілош Земан оголосити, ці має Андрей Бабіш далше продовжовати в пробах поскладати владу, або голова державы повірить їднанями дакого іншого.
(Медвідь)