Музей модерного уменя Енді Варгола в Меджілабірцях вытворив довгодобый проєкт выставок під назвов Енґрам Енді Варгола, в котрім каждый місяць представить музей тврочость краля поп-арту і далшых умелців на іншу тему. Мартін Цубяк, котрый є повіреный веджіньом музею, інформовав, же цільом тых секвенчных выставок є дістати ся веце під поверьх візуалного одказу умелецького твору і презентовати його значіня і одказ в прямім повязаню ку актуалным діям – темам, котры тот-котрый місяць характерізують. В марці быв темов выставкы місяць книжкы. Од половины апріля буде мож в музею видіти портреты жен – кральовен, кідьжевтогды буде святковати свої 78-мы народенины кральовна Данії Марґарет ІІ. і в Голандії ся буде святковати День кралів. В рамках тематічных выставок будуть робити ся і творчі ділні, лекторьскы лекції, діскусії і промітати відеодокументы.
(TASR)