Новый підпредседа влады про інвестіції і інформатізацію Ріхард Раші у понедільок зрік ся мандату пріматора Кошыць. Повніня задач пріматора перевзяв на основі повіріня віцепріматор Мартін Петрушко. Тоту функцію буде выконовати аж до зложіня присягы нового пріматора, котрого зволять в комуналных выборах в новембрі того року. Заступаючій пріматор свою кандідатуру на пріматора в новембрі коментовати не хотів. Сучасне повніня задач пріматора означів за величезный обовязок і зодповідность.
(TASR)