Председа Пряшівского самосправного края (ПСК) Мілан Маєрскый в перебігу першых 100 днів в уряді поважує за найважніше, же ся подарило дочасно одвернути грозу зрушіня породниці в свідницькім шпиталю і завдякы інтервенції края. Важным проблемом на основі нього была і ситуація в Музею модернго уміня Андіго Варгола в Меджілабірцях, де были проблемы із запожычаням образів. Директорка даного музая Людмила Штецьова ку кінцю фебруара скінчила роботу в музею. На єй місце быв повіреный працовник до часу выменуваня нового директора. Інформував о тім на вчерайшій стріші сам председа Пряшівского самосправного края Мілан Маєрскый. Од наступу Маєрского одыйшло з ПСК 30 робітників. На основі його высловів їх нагородять люде, котры суть охочі сполупрацовати на його візії. На стрічі тыж представив і нового ведучого одбору школства Яна Фурмана, котрый взыйшов з выберового конаня.
(ТАSR)