Долна комора польского парламенту голосовала вчера за пропозицію закона, котрый дасть можность збавити воєнской годности посліднього комуністичного лідра Поландії, покійного ґенерала Войчеха Ярузелскего, як і дальшых достойників з комуністичной еры. На основі пропозиції предложеного кабінетом премєра Матеуза Моравєцкего мають быти высокопоставлены достойниці з комуністичной еры деґрадуваны на годность вояків. Мають быти такым способом потрестаны за задачу, котру заграли за бывалого режіму, головно у звязку з выголосеням станного права, котре в 1981 року завів Ярузелскі.
(TASR)