Україньскый презідент Петро Порошенко апеловав на членьскы державы Европской унії, жебы не вызнали резултаты російскых презідентьскых выборів на теріторії Кримского півострова. Презідентьскы выборы в Російскій федерації включно Криму – україньской теріторії, котру Москва анектовала в році 2014, суть на планованы на 18-го марца. „Выборы на теріторії Криму суть незаконны, флаґрантно порушують меджінародне право і суть в незгоді з україньсков леґіслатівов,“ повів Порошенко почас недільняйшой стрічі із міністром обороны Швеції Петром Гултквістом, котрый пришов до Києва. Як інформовала аґентура Укрінформ, Порошенко з Гултквістом діскутовав і о припаднім розміщіню міровой місії Орґанізації зъєдиненых народів на Донбасі, звышіню обороныспособности Україны і зміцніню санкцій і діпломатічного тиску на Росію.
(Петро Медвідь)