Председа Европской комісії Жан-Клод Юнкер вызвав Косово, абы ратіфіковало договор о границях з Чорнов Горов і нормалізовало свої одношіня із Сербійов. Договор о становліню границь є про обывателів Косова першым условійом, абы ся мали можность волні рушати в безвізовім шенґенскім просторі, повів в косовскій метрополі Пріштіні Юнкер, котрый є вєдно із шефков діпломації Европской унії Федеріков Моґерініовов і комісарьом про розшыріня Европской унії Йоганесом Ганом на робочі дорозі по країнах западного Балкану. Косово односторонно выголосило незалежність од Сербії у фебруарі 2008. Сербія тот крок непризнала і Косово все бере як часть свойой території, причім в данім напрямі ся може сполігати на підпору Россії і Чіны.
(TASR)