Анкара офіціално пожадала Чеську републіку о выданя бывшого лідра сірійскых Курдів Саліма Мусліма. В понедільок о тім інформовав турецькый віцепремєр Бекір Боздаґ. Мусліма, бывшого співпредседу сірійской Партії демократічной єдности, затримали в суботу в Празі. Было то на основі меджінародного приказу на арештованя выданого Інтерполом на жадость Турції. Анкара бере споминану партію за терорістічну ґрупу, котра є напоєна на курдьскых повстанців у Турції. Муслім має в партії міцный вплив і наперек тому, же влони одышов із функції. Турція го дала на список найгляданішых особ на зачатку фебруара.
(TASR)