Коордіначный выбор реоптантів Словацькой републікы выдав цінну книжку під назвов Люди нашого роду 1945-2015, котрой автором є Штефан Крушко з Пряшова, родак із села Хмельова в Бардейовскім окресі.  Автор шість років готовив фактоґрафічный матеріал, котрый черьпав з різных інштітуцій, архівів і бібліотек, бо в 260-сторінковій книжці Крушко змаповав повных 70 років, споминать мена понад тісячкы людей, котры в данім періоді робили в україньскых і русиньскых інштітуціях ці орґанізаціях в рамках Чехословакії і Словакії. Не хыблять в публікації і представителі ґрекокатолицькой і православной церькви і многы вызначны особы з різных сфер културно-освітнього жывота минулого і сучасного столітя.
(А.Кузмякова)